Nativity TV | تلفزيون المهد Nativity TV
مقالات مشابهة
قالت الفنانة مادلين طبر: “أنا كنت زعلانة من عادل إمام وهو عارفنى كويس وبيقولى لسانك طويل.. ولما كلمنى على دور فى مسلسل “صاحب السعادة” اعتذرت وقولته أنا مستنياك من 20 سنة عشان تيجى تدينى دور ضيف شرف”!.
وأضافت، فى تصريحات للإعلامية شريهان أبو الحسن فى برنامج “ست الحسن” على قناة “أون تى فى”: “أنا باحب عادل إمام جدا وكلمنى فى التليفون واعتذرت عن الدور وأنا لما روحت مهرجان أبو ظبى وقابلت الفنانة لبلبة وأقنعتنى بضرورة الحصول على الدور ولو لقطة واحدة فى صاحب السعادة”.
وأكدت أن لبلبة ضغطت عليها وقالت لها أنا الكبيرة بتاعتك فكلمت عادل إمام على الفور وحصلت على الدور، وهو كان مبسوط جدا وبيصقف لى على الأداء اللى عملته، مضيفة: “أنا بعشق الكوميديا وهو جابنى عشان الكوميديا وتوقعت أنى أكون معه السنة اللى بعدها ومحصلش”.
وتابعت قائلة: أنا باحب السبكى ووقفت مع محمد وأحمد السبكى فى معركتهم وقولت إزاى بتضربوا منتج مصرى شهير.
